Transkriberad uppteckning
Hr. Johan Irgens.
Han var prest i Surnadal i fyrstninga av fyrre hundra-
året. - Ein sundagskveld kom han køyrande frå Rindal,
som då var anneks til Surnadal, og skulde heim. - Då
han kom til Raneskleiva, vilde hesten ikkje gå lenger. Han
stod blegg still. Herr Johan sa då til drengen sin som sat
bakpå: "Ola Hansson, gå og ta hjulet av!" Ola so gjorde.
"Men no vert det vel ingen skjuss av," sa Ola. "Set dei
oppi att!" sa herr Johan. Dermed tok han Svarteboka or
lomma og løyste pukjenn. Rett som det var kom han, tok
hjulåsen på aksla og det lause hjulet i den andre handa.
Og so bar det i veg so det gneistra under hjula. - Han
gjorde ikkje vegen lang, han Gammel-Erik, for før dei
visste ordet av det, var dei komne til prestegarden på Øye.